पारवा ( BLUE ROCK PIGEON )

dr.abhays pic

कपोत गणात order COLUMBIFORMES हे पारवे येतात इंग्रजी मध्ये यांना blue rock pigeon असे म्हणतात तर scientific name -columba livia आहे . मराठीत आपण पारवे असे म्हणतो 
                दगडी पाटीसारख्या राखट रंगाचा हा पक्षी सर्वांना परिचित आहे .गळ्यावर आणि छातीवर हिरवा,जांभळा आणि किरीमिजी ह्या रंगांची चमक असते.पंखावर दोन आडवे पट्टे व शेपटीच्या टोकावर एक आडवा काळा पट्टा असतो .हा सामन्यात :रोजच्या परिचयाचा पक्षी आहे.मानवी वस्तीमध्ये हा बिनदिक्खत पणे आढळतो ज्या रानटी जाती पासून आजच्या विविध प्रकारच्या पाळीव जाती निर्माण झाल्या आहेत त्या जातीचा पक्षी डोंगराळ भागातील माळरानावर वस्ती करतो व शक्यतो दाट जंगले टाळतो.बहुतेक ठिकाणी हा पक्षी पाळीव जातीचाच झाला आहे.जवळ जवळ भारताच्या प्रत्येक गावात पाराव्यांची स्थानिक लोकवस्ती असते.हे पक्षी गावातल्या रहदारीला.गजबजाटाला पक्के रुळलेले दिसतात.त्यांच्या राहण्याची ठिकाणे उंचावर मोठ मोठ्या इमारती ,गोदामे ,कारखाने मशिदी,पडक्या इमारती ,जुने मोडकळीस आलेले किल्ले,ओसाड घरे ,विहिरी इ .ठिकाणी आढळतात .गुटूर गुर असा आवाज करत हे पक्षी आज शहरी भागात मोठ्या प्रमाणावर आढळतात. त्यांचे आवडते खाद्य शेतातातील धान्य व रुजलेले अंकुर .त्यांचे घरटे म्हणजे गवत व काटाक्यांचे ओबडधोबड अस्तर असते,पांढऱ्या रंगाची स्वच्छ २ अंडी हे पक्षी सामन्यात : त्यांच्या कुळ धर्मानुसार देतात.नर ,मादी असे दोघे जोडीने आढळतात.